Kjarkþrota ?

Í gær stóð Bjarni Benediktsson keikur í sjónvarpsviðtali og dró þá eðlilegu og augljósu ályktun að viðvera Kjartans Gunnarssonar á skrifstofum Valhallar, samhliða nýráðnum framkvæmdastjóra, fæli í sér að Kjartani væri fullkunnugt um tilvist þessara styrkja á sama tíma og hann sat í stjórn Landsbankans. Mér fannst Bjarni áræðinn og flottur á þessari stundu. Enda með fullvissu fyrir því að fara með rétt mál á sama tíma og hann gerir sér grein fyrir mikilvægi þess að koma hreint fram og leiða fram sannleikann á bak við þessar miklu styrkveitingar.

Ekki að það pirri mig sérstaklega en það lýtur út fyrir að verið sé að keyra xD inn í þvílíkt öngstræti með því að slá skjaldborg um hið siðblinda lið sem  hefur þar öllu ráðið  síðustu áratugina. -Eru þeir virkilega þess virði ? Það er með öllu útilokað að áhrifamenn innan flokksins hafi ekki vitað af 55 milljón króna viðsnúningi á sama tíma og bág fjárhagsstaða flokksins var þeirra eigið vandamál. -Það skal varizt og logið fram í rauðan dauðann. Með ótrúverðugum málflutningi er xD vísast að stefna sjálfum sér í verri kosningaósigur en "nokkur þorði að vona". Dauð atkvæði verða ekki talin upp úr kjörkössunum þ. 25. apr. n.k.

Hver páskaritningin var sem Bjarni fékk yfir sig í dag veit ég ekki. Hitt er vízt að hún mun eldast illa og því verr sem nær dregur kosningum. 

 

Fráleitt að draga nafn Kjartans inn í atburðarásina

Athugasemdir

[ThoR-E, 12.4.2009 kl. 22:02]

Flokkurinn var í gífurlegum fjárhagsvandræðum, fær síðan styrk uppá 55 milljónir.

Kjartan heyrði örugglega ekkert um það...

Halda þeir að kjósendur séu heimskingjar.

Falleinkun fyrir Bjarna og Sjálfstæðismenn... þvílíkur brandari!!

[Guðmundur Pétursson, 12.4.2009 kl. 22:45]

Kjartan lýgur ekki nema kannski þegar hann heldur að það þjóni hans málstað.  Hann er að því  leitinu steyptur í sama mót og margir sjálfstæðismenn.  "Take the money from the rich and  the votes from the poor on the pretext of protecting each from the other and only lie when you deem it to be neccesary".   Annars skil ég ekki alveg þessa dýrkun sjálfstæðismanna á Hannesi Hólmsteini og  nafna hans Smárasyni.  Hálfger tímaskekkja að mínu mati,  svona 2007 eitthvað. 

Það var hinsvegar mjög sniðugt hjá Bjarna Ben að segja af sér stjórnarformennsku hjá N1.  Í fyrsta lagi hefur maðurinn ekki hundsvit á business og í annann stað þá stendur N1 illa fjárhagslega og hefur slæmt orðspor á sér.

[Kjartan Pétur Sigurðsson, 13.4.2009 kl. 05:45]

Kjartan notaði eingöngu skrifstofu Valhallar til að leggja sig. Ég hef heyrt að þar sé fínn legubekkur sem hann hefur notað löngum stundum. Því er það mjög eðlilegt að hann hafi ekki vitað hvað fram fór á skrifstofunni. Svo eru Valhallar menn líka vanir að hvísla og hafa ekki hátt um fjármál flokksins.

[ThoR-E, 13.4.2009 kl. 13:13]

Góður Kjartan ;)